Jeevan Jeeney Ki Kala (Hindi kavita in roman script)

CaravanBpl
CaravanBpl / Blog / 6 yrs ago /
  4

Jeevan Jeeney Ki Kala


Jeevan kya hai?

Saans lena kya kaafi hai?

Ek yantrawat chaal bas bhar hai?

Atit ki yantrana/ Bhavishya ki kulbulahat do sirey hain

Jiskey beech mein vartaman kahin ghum ho gaya hai…

 

Aabhaas hai to ek jhunjhalahat kaa

Har pal ek ruka hua kshan hai

Jaisey  kisi muktidoot ki pratiksha hai

Aur yunhi jeevan dhire dhire ris jaata hai

Ret ki tarah muthi sey phisal ek reetapan chodh jaata hai..

 

Jeevan ko kolhu ki tarah kandhon par dharan naa karo

Utho, jaago aur apne aap ko pehchaano

Jeevan ko laash ki tarah maut ke shamshaan ki ore naa khincho

Apne jeevan mein avsaad to ghar naa bananey do

Usey ek ishwariya prasad ke roop mein grahan karo…

 

Parchhaiyon sey bahar niklo

Apni khudi sey aage badhkar haath milao

Is vidhwa vilap ko yahin viraam do

Prakriti ki bhent samajh apna aadar karma aarambh karo

Tabhi to auron kaa bhi aadar kar paaogey….

 

Aastha, shradha, sahajta, sabar, vinay aur prem ki jyot jalao

Jeevan jeeney ki kala ke yeh pahley kadam hain

Badhtey jaao is raah par

Mann ke antar ke diye ki roshni se raah khud milti jaayegi

Aur parchhaiyon bhi aapkey saath saath aapki humrahi ban jaayengi…


CaravanBpl / / 6 yrs ago
CaravanBpl

thank you avinash// ~cb


Avinashjee / / 6 yrs ago
Avinashjee

harsh liked it inspite of the fact that i am in favour of living life as it comes and not to take it too seriously. i still remember bhagwati charan varma's poem that does not seem to go away from my mind no matter how many layers of the dust of time have settled on it from the time i read it. hum deeewanon ki kya hasti hai hum aaj yahan kal wahan chale masti ka aalam saath chala hum dhool udate jahan chale! regards avinash


CaravanBpl / / 6 yrs ago
CaravanBpl

thank you wah..

~cb


writer at heart / / 6 yrs ago
writer at heart

dear cb,

excellent write. very nicely written.